Viskoekies

1 blik (425 g) sardyne in tamatiesous
1 blikkie (200 g) tuna, gedreineer
1 ui, gerasper
1 eier, geklits
10 ml droë pietersielie
125 ml koekmeelblom
Sout en peper na smaak

Druk die sardyne in tamatiesous en tuna fyn.
Voeg die res van die bestanddele by en meng goed.
Voorverhit ‘n pan tot redelik warm. Gooi ‘n bietjie olie daarin.
Skep lepels vol van die vismengsel in die olie en braai weerskante bruin.
Sit die koekies warm voor.

Flirt kan gevaarlike wees.

Toppunt van luiheid

'n Mamma se braafheid

Werklike aantekeninge in hospitaal verslagboek

1. Examination of genitalia reveals that he is circus sized.


2. Die pasiënt het geen geskiedenis van selfmoord nie.


3. Patient has left white blood cells at another hospital.


4. Patient's medical history has been remarkably insignificant with
only a 11kgs weight gain in the past three days.


5. Pasient het geen teken van bewing of rillings maar haar man beweer sy was baie warm in die bed die vorige aand.


6. Die pasient kry borspyne as sy op haar linkersy lê vir die afgelope jaar.


7. Op die tweede dag was haar knieg beter en op die derde dag het dit verdwyn.


8. Die pasient is baie huilerig en tranerig. Sy is ook depressief.


9. The patient has been depressed since she began seeing me in 1993.


10. Discharge status: Alive but without my permission.


12. Patient had waffles for breakfast and anorexia for lunch.


13. Haar been voel dood van die tone af ondertoe.


14. While in ER, she was examined, x-rated and sent home.


15. Die pasient se vel was klam en baie droog.


16. She stated that she had been constipated for most of her life,
until she got a divorce.


17. Die vel is taamlik bleek maar teenwoordig.


18. Pasient het twee tienerkinders maar geen ander abnormaliteite nie.


19.The lab test indicated abnormal lover function.


20.The patient refused autopsy.

Vis met drie oë, in Argentinie gevang

, 

Vir mans wat van maer vroue hou, let op Demi se arms!

Reeksmoordenaars

Ek wonder altyd: wat maak van iemand 'n reeksmoordenaar?

Hoewel ek geen kundige is nie, het ek my eie teorieë hieroor. Ek dink jy kry twee soorte mense wat die gevaar loop om moorddadig te raak. Die eerste is iemand wat so gebore word, dit wil sê die psigopaat. En die tweede is iemand wat deur sy kinderomstandighede alle menslikheid verloor.

Die psigopaat, wat deesdae ook 'n sosiopaat genoem word, is natuurlik onrehabiliteerbaar, want hulle word sonder 'n gewete gebore. Hulle is van nature geslepe en kan superslim wees. Hulle is ook baie goeie manipuleerders. Maar nie alle psigopate raak uiteindelik moordenaars nie. Jou broer of baas mag dalk een wees sonder dat jy dit eens weet. Die tipiese eienskappe van 'n psigopaat is selfsug en gevoelloosheid. So iemand sal sy vrou verneuk en werklik nie weet hoekom dit haar seermaak nie. Of die hondjie skop en dit geniet om die dier se pyn te sien. Hulle is nie in staat om jammer te wees om medelye met hul medemens te hê nie. Hulle kan huil, maar hul trane is gewoonlik net 'n middel tot 'n doel, want hulle weet nie hoe dit voel om hartseer te wees nie.

Die ander soort moordenaar is die een wat as kind geen liefde, aandag of stabiliteit ontvang het nie. So 'n persoon is met ander woorde nie geleer wat dit is om geliefd te wees nie. Jy kan maar in alle reeksmoordenaars se verlede gaan kyk. Meeste is as kinders mishandel en het sommer jonk al begin om uiters wreed met diere of kleiner kinders te wees. Hierdie soort persoonlikheid word veral aangetref onder boelies by skole. Dis dus baie belangrik dat ouers hulle kinders van kleinsaf soos kosbare kleinode behandel. Dissiplineer hulle, maar oorlaai hulle ook met liefde aandag en drukkies. 'n Kind wat geliefd voel sal nie die behoefte hê om ander seer te maak nie.

Ek is 100% seker as alle ouers vandag begin om hul kinders te koester, sal ons oor 'n paar dekades feitlik geen moorde hê nie en baie min ander misdaad. Ongelukkig is dit 'n onmoontlike droom as ek sien hoeveel kinders vandag op hul eie moet aansnork. Gaan kyk hoe lyk ons strate van wegloopkinders en kinders wat aan dwelms verslaaf is. Dan praat ek nie eens van die kinders wat wees gelaat is weens vigs nie.

Geldmaak

Kan iemand my tog asseblief sê hoe kan 'n mens geld op die Internet maak! Ek het al duisende rande gespandeer en al wat ek daarvoor gekry het was vals beloftes. Ek het sowaar nog nie soveel soos een sent uit enige poging van my gemaak nie. 

Miskien is ek maar net nie 'n sakevrou nie. Elke bliksem vir wie ek 'n fortuin betaal om sy of haar "Sukses na Rykdom" te koop, spog met die duisende, selfs miljoene wat hulle maak. Hulle wys die vreeslike huise en blink karre en vertel van die duur vakansies. Lieg hulle net om my geld te kry of is dit net ek wat te onnosel is om 'n sukses van iets te maak?

Asseblief, as jy weet van 'n plan of skema of wat ookal wat werk (maar sonder dat ek weereens daarvoor moet betaal) laat weet my tog ook daarvan. Iemand het een keer vir my gesê niks wat werk is verniet nie, maar ek het die teenoorgestelde ondervind. Niks wat geldkos werk vir my nie. So, ek soek dit nou verniet.

Die lekkerste sjokoladekoek denkbaar!

1 pk Royal of Moirs sjokoladekoek-mengsel.

2 groot plakke sjokolade

1 blik Ideal Melk

Berei en bak koek volgens aanwysings op boksie. Dit moet ‘n glasbak wees wat groot genoeg is sodat die koek nie te hoog daarin rys nie. Intussen, smelt sjokolade oor warm water, voeg ‘n halwe blik Ideal melk by en roer goed. As jy wil kan jy die sjokolade versiersel ook styf aanmaak met botter en ‘n klein bietjie melk en daarby inroer. Anders hoef jy dit nie te gebruik nie. As koek gaar is, gooi ander helfte van Ideal melk egalig bo-oor warm koek. Laat net effe afkoel voor jy die sjokolademengsel bo-oor gooi of smeer.   

Die belangrikheid van ''n hegte gesin.

Miskien het jy dit al gesien, daardie gebou in konstruksie. Nog net die fondament is gelê, en uit daardie fondasie steek lang staalpenne lugwaarts. Daardie penne word gebruik om die gebou te versterk en te verseker dat dit staande gaan bly en nie met die geringste wind of ander krisis inmekaar gaan tuimel nie.

Die hoe ek ‘n kind se opvoeding sien. Ma, Pa is die fondasie en dit wat hulle hul kinders gee is daardie lang staalpenne wat hul lewens eendag staande gaan hou: liefde en aandag, reëls en disipline, geborgenheid, trots en selfvertroue. Daarsonder is ‘n kind gedoem. Gaan kyk maar na die meeste gevalle waar kinders vroeg al die pad byster raak en jy sal vind daar was min, soms geen ouerbetrokkenheid in daardie kind se lewe nie. Geen voorbeeld of rolmodelle nie.

Ons lewe in ‘n tyd waar egskeidings roetine geword het. ‘n Verskeurde ouerhuis spel op sigself al gevaar vir die kind. As die ouers boonop in konstante geveg met mekaar is en elkeen behep met hom of haarself is, spat daardie kind se sekuriteit uitmekaar en voel hy ontredderd. Dis dan wanneer hy hom na maats wend vir troos. En dis dan wanneer drank, dwelms en seks inkom.

Vir ‘n kind is daar net een ideale toestand: ‘n liefdevolle ouerhuis, ‘n biologiese ma en pa wat bymekaarbly en lief vir mekaar is en nou betrokke is by hul kinders. Breek dit op en hy stuur op ‘n ramp af.

Ons sal opnuut moet begin besin oor die betekenis van die huwelik. Mense trou vandag te maklik. En hulle skei nog makliker. Die huwelik is heilig. Egbreek moet gestaak word, en egpare moet begin om weer vir mekaar om te gee, dan sal daar baie minder egskeidings wees.

Ons moet ons gesinsbande versterk deur te kommunikeer. Ouers moet met hul kinders gesels, werklik belangstel en nooit belangrike aangeleenthede vergeet nie. Dit help nie vanoggend wens jy Jannie voorspoed toe met sy toets nie, maar vanmiddag vergeet jy om hom te vra hoe dit gegaan het. Moedig jou kinders aan om te praat as iets hulle kwel. En sorg dat hulle nie berou wanneer hulle dit wel waag nie. As jou kind jou vertel hy het dagga gerook, moenie ‘n oorval kry nie. Vertel hom kalm hoekom dit nie ‘n goeie idee was nie, maar doen dit sonder om te preek. Lig hom oor die gevare van dwelms in, wys hom foto’s van verslaafdes, wat maklik bekombaar op die internet is.

Waarsku jou kinders teen groepsdruk. Dis die nommer een rede waarom meeste tieners voor versoekings swig. Wys hulle ook op die verkeerdheid van boeliery, en as hulle dalk die slagoffers van so iets is, tree op en moenie laat los voor jou kind veilig is nie. Jy moet sorg dat jou kind verstaan sy of hy word nie geboelie omdat daar iets met hulle verkeerd is nie, eerder omdat die boelies minderwaardig teenoor hulle voel.

Ma, praat met jou meisiekind oor seks, maar eers as sy oud genoeg is om te verstaan. Dis belangrik dat sy weet van al die slaggate en voorbereid deur die lewe gaan. Verduidelik die morele aspekte van los seks aan haar (‘n slegte naam en swak reputasie)  sowel as die fisiese nadele soos vigs en geslagsiektes. 

Maak nie saak hoe besig julle lewens is nie, julle moet altyd maar altyd tyd maak vir julle kinders. Hulle mag nooit voel hulle is nie belangrik genoeg nie, want dis dan dat hul elders vir daardie aandag gaan soek, en dikwels met rampspoedige gevolge. 

Paraatheid

Ek kyk gisteraand na "Rian" aangbied deur Rian van Heerden op KykNet. Toe ek hoor hy gaan 'n gesprek voer met kol Frans Jooste van die Boerevryheid beweging, verwag ek weer 'n verregse malletjie wat die swartes in die see wil jaag of anders die wittes almal wil saambondel op 'n lappie grond êrens in die land.

Maar wat 'n verrassing was Frans Jooste nie. Gematigd, kalm en bedaard, ten spyte van baie provokasie deur Rian sowel as Harold Pakendorf wat aanmekaar gepoog het om van hom 'n bespotting te maak.  Sy beweging beoog nie oorlog of aanvalle op swartes of wat ookal nie. Hul doelwit is om alle Suid-Afrikaners wat bedreig of bang voel op te lei om hulleself in 'n lewensgevaarlike situasie te kan verdedig. Ek dink dis 'n fantastiese idee. Hoeveel van ons is in staat om na onsself om te sien? Ons het immers nie meer vuurwapens om op staat te maak nie en selfs die wat nog het, mag dit nie gebruik nie, self al verkker hulle in gevaar, dan word hulle vir moord of poging tot moord aangekla.

Ek dink dis tyd dat ons wakkerskrik. Dinge gaan nie beter raak nie, dit gaan net slegter raak.

Ons korrupte polisie

Die volgende berigopskrifte verskyn in NET vandag se nuus:

Polisie vas na kaping

Polisiebeamptes bestuur glo dronk aan diens

Moordsaak ten Kemptonpark polisieman uitgestel

Polisiebeamptes martel, moor glo gevangene

Polisiebeamptes vas vir gewapende roof

Polisiemanne geskors na misdadiger ontsnap

Polisie betrokke in motorkaping

Polisie kyk toe terwyl verkeersbeampte ouma aanrand

Oudpolisielid in hof oor netwerk van kinderpornografie

Hoef 'n mens iets te sê?

Gebede van kinders

Liewe Jesus, hoekom laat jy mense doodgaan en maak dan nuwes? Jy kan mos net die wat jy nou het hou.

Liewe Jesus, ek was by 'n troue en toe soen hulle mekaar in die kerk. Was dit reg?

Liewe Jesus, ek dink die wonderlikste ding wat jy al gemaak het is 'n stapler.

Liewe Jesus, ek is 'n Afrikaner. Wat is jy?

Liewe Jesus, dankie vir die bababoetie wat jy gestuur het, maar ek het eintlik vir 'n hondjie gevra.

Liewe Jesus, as jy Sondag in die kerk kyk, sal ek my nuwe skoene vir jou wys.

Liewe Jesus, as ons eendag weer terugkom aarde toe moenie my as Susie terugstuur nie, want ek haat haar.

Liewe Jesus, ek wil asseblief ook 900 jaar oud word soos daai een ou in die Bybel.

Liewe Jesus, as jy vir my 'n towerlampie gee, sal ek vir jou enigiets gee behalwe geld of my Barbiepop.

Liewe Jesus, ek hoor dis Thomas iemand wat lig gemaak het, maar ons Sondagskooljuffrou sê dis jy. Ek wed jou hy het jou idee gesteel.

Liewe Jesus, dis goed dat jy dinasaurs laat vrek het anders het ons nie vandag geleef nie, want hulle sou ons opgevreet het.

Liewe Jesus, ek dink nie Kain en Abel sou mekaar so baie doodgemaak het as elkeen sy eie kamer gehad het nie. Dit help vir my en my boetie.

Liewe Jesus, wie is die vinnigste - jy of Superman?

Amerikaanse brokke

Het pas 'n show van dr Phiil gekyk wat my laat besef het kinders wat nie met dissipline grootraak nie is 'n verlore geslag. Daar is dit mos al dekades teen die wet om kinders te tug.

Madisen is 'n 15 jarige meisietjie wat al op veertien swanger was, die baba verloor het en nou weer kliphard probeer om swanger te raak by haar neger boyfriend. Haar stiefma het vir dr Phil geskryf omdat die kind buite beheer is en haar eie ma niks daaromtrent doen nie. En raai wie's die skurk in die verhaal. Die stiefma. Dr Phil sowel as die gehoor wou haar omtrent gekruisig het net omdat sy wou hê die Madisen moet dieselfde reëls volg wat sy vir haar eie kind gestel het. Dis ongelooflik. Ek kan nie glo mense se morele waardes het werklik so sleg geraak nie. Sy noem haar stiefma 'n bitch en niemand lig 'n wenkbrou daaroor nie, maar die gehoor jou die stiefma uit toe sy sê Madisen is buite beheer.

Mag die Vader gee dat dinge nie hier by ons so erg handuitruk nie. Want dis daai bedorwe brokkies wat vir die nuwe geslag moet sorg.

Ons moet ophou bome afkap!

Seks en die TV

Wel, dit was nou insiggewend. Die survey wat ek ‘n paar dae terug hierop geplaas het, wys dat meeste mense wel eksplisiete seks op TV wil sien, ongeag die feit dat een van die vrae was: dink jy dis skadelik vir kinders?

En ek verstaan dit eenvoudig nie. As jy porn nodig het om seksueel te kan funksioneer, daar is letterlik miljoene porn sites waar jy genoeg daarvan kan kry. Daar is blou films, boeke met prentjies, en tydskrifte galore om jou te kick-start as jy dan nou nie op die natuurlike manier aan die gang kan kom nie.

Wat het van gesinswaardes geword? En twak met daai liberale argument dat kinders wat van kleinsaf seksueel ingelig is later geen probleme met seks sal hê nie en omgekeerd. Meer tieners raak nou al hoe jonger seksueel aktief en die klinieke loop oor van tienerswangerskappe wat met aborsies beëindig word. Vir my is dit 'n bewys dat te veel inligting tot promiskuwiteit lei. Ons vergeet kinders is nog nie so ver ontwikkel om verantwoordelik met sulke ernstige dinge om te gaan nie. En dat hulle ongelooflik nuuskierig is.

Ek het in ‘n konserwatiewe huis grootgeword en was al redelik oud voor ek geweet het waar babas vandaan kom. Oor seks is daar eenvoudig nie voor kinders gepraat nie. En dit was beslis ‘n skande as ‘n ongetroude meisie in die “ander tyd” beland het.  Dit het jou twee keer laat dink voor jy met elke Jan Rap en sy maat in die bed gespring het.

Ten spyte van my seksvrye opvoeding het ek geen seksuele probleme ondervind nadat ek getroud is nie. Inteendeel, ek het elke oomblik daarvan geniet! Ek het wel van baie vroue gehoor wat voor die tyd seksueel aktief was en in hul latere jare ‘n hekel in seks ontwikkel het.

Maar terug by seks op TV. Ek kyk gewoonlik glad nie flieks wat 18 gerate is nie want ek weet wanneer daar so swaar op seks geleun word, beteken dit daar is nie ‘n storie nie. Ek het een keer op ‘n seksfliek op e-tv afgekom en heelpad gesit en lag vir die manier waarop seks daarin geglorify is. Genade, ek kan nie glo mense word daardeur geprikkel nie. Dis so kunsmatig soos boerewors wat met semels gemaak is. Die beeldskone modelle sit-lê die heeltyd met toe oë, oop bekke en ‘n kop wat in die Rita Hayward-tradisie agtertoe gegooi word. En hulle is so gesteld daarop om sexy te lyk dat die erotiek daarvan heeltemal verlore gaan. As ek sê TV-seks is vervelig verby, dan bedoel ek presies dit.

Om ‘n werklik goeie sekslewe te geniet, is die volgende belangrik.

Hou dit baie spesiaal deur dit slegs te deel met iemand vir wie jy lief is.

So baie vrouens ontneem hulself die plesier van seks omdat hulle selfbewus is oor hoe hulle lyk (dalk juis oor die beeldskone aktrises wat in seksflieks gebruik word). En dis so onnodig. Die waarheid is dat jou maat jou sagte stêre meer geniet as so ‘n model se kalbas boudjies. Hy verkies ook jou hangtieties bó dié wat soos waatlemoene lyk en voel. As hy oor jou boepmagie streel wil hy nie voel of hy aan ‘n strykplank vat nie, en as hy jou aan jou mollige arms beetkry verkies hy om nie klipharde spiere onder sy vingers te voel nie.

In die werklikheid is seks ook nie so ‘n stil en stemmige affêre met ‘n geaffekteerde kreuntjie so af en toe nie soos op TV nie. Dis ‘n lawaaierige affêre tussen twee mense wat 100 persent van hul menswees vir mekaar gee. 

Nee wat, ek dink as jy porn nodig het om seksueel te funksioneer, dan moet jy en jou maat dalk ‘n dinkskrum hou. Glo my, as julle ingesteldheid reg is kan julle baie meer opwindende seks hê as die trash wat hulle op TV vir ons opdis. Die geheim is om geen taboe’s te hê as julle daai kamerdeur agter julle toegetrek het nie. 

Kleintydstaaltjies en ander stories

Sit vandag weer en dink aan van die aangrypende, soms tragies en ander kere vreesaanjaende stories wat ons as kinders by die grootmense gehoor of afgeluister het.

Aangrypend soos die verhaaltjie oor Rageltjie de Beer. Sy en haar jonger boetie het in die veld verdwaal en in die ysige nag wat gevolg het, het sy nie net haar kleertjie uitgetrek om dit om haar boetie te draai nie, sy het ook oor hom gaan lê om hom so warm moontlik te hou. En natuurlik het sy toe verkluim.

En tragies. ‘n Seuntjie wat in ‘n oop boorgat geval en so diep vasgesit het dat daar geen manier was om hom daar uit te haal nie. Eerder as om hom ‘n lyding van angs, honger en dors te sien deurmaak het sy pa op die ou end die hartverskeurende besluit geneem om hom dood te skiet.

Of dié goed regtig gebeur het, weet ek nie. Maar dit het ‘n groot impak op my gemaak.

Ai, en moenie die vreesaanjaende vergeet nie. Kan nie eens meer mooi onthou hoe die storie gegaan het nie, maar die berugte ou Bloubaard het my menige nagmerries besorg!

Dit herinner my aan al die spookstories wat ook altyd om ‘n lamplig in ‘n kombuis vol donker skadu’s vertel is. Perde wat in die nag viervoet met hul ruiters gaan vassteek het, gewoonlik naby ‘n begraafplaas. Of iemand wat ‘n permanente rooi merk oorgehou het soos ‘n spook hom geklap het.

Van spoke gepraat. Ons het vroeër jare geboer in ‘n omgewing waar meeste van die boere kwaai onder skaapdiewe deurgeloop het. Dis nou behalwe ons en ons naaste bure, wie se weikampe aan ‘n begraafplaas gegrens het. By ons het daar nooit ‘n enkele skaap weggeraak nie.

Die polisie was van geen hulp nie en dit het ook nie gehelp om die oortreders self te probeer vastrek nie. Hulle is gewoonlik weer dadelik vrygelaat. Of daar was ander wat in hulle plek gekom het.

Dis toe dat twee van die boere wat altyd die ergste deurgeloop het die idee gekry om hul eie spoke te skep in die kamp waarin hul skape geloop het. Soos die een, Gert gesê het: Wie sê nie van die geeste by die begraafplaas kry so nou en dan lus om ‘n bietjie verder te gaan dwaal nie?

Toe iemand Gert dus op ‘n aand waarsku dat daar weer ‘n vreemde voertuig in die omgewing gewaar is wat sonder ligte op die plaaspaadjie rondry, is hy gereeld vir aksie. Die plan was dat hy aan die kant naaste aan sy huis sou ‘spook’ en Bertus aan die ander kant, wat naby sý huis was.

Gert gryp ‘n wit laken en sy flitslig en terwyl hy buite toe spaander, skree hy oor sy skouer vir sy vrou om vir Bertus te bel en te sê hy moet aan die ander kant van die kamp stelling gaan inneem.

So gaan wag Gert toe aan die duskant van die kampie en nie lank daarna nie hoor hy die sagte geruis van ‘n voertuig wat stadig met die plaaspaadjie aangery kom. Met slegs die parkeerligte aan. Hy wag tot hulle naby genoeg is voor hy die laken oor hom gooi en met groot fanfare pad se kant toe begin te ‘sweef’. Hy druk die flits onder die laken in en skyn dit dan op na sy gesig se kant toe.

Die reaksie van die oortreders is onmiddellik. Gille vanuit die voertuig kan tot wie weet waar gehoor word en klippe spat soos die bestuurder die vet wegtrap. Gert lê soos hy lag toe die drywer ‘n ent vorentoe amper die kar omsmyt soos hy vir ‘spook’ Bertus uitswaai wat skielik ook sy verskyning in die pad maak.

Die klank van beangste krete en ‘n brullende enjin verdwyn mettertyd in die nag. Gert flits ‘n slag met sy lig in Bertus se rigting voordat hy huis toe koers kry. Hy verlustig hom by voorbaat aan die lekker storie wat hulle die volgende dag met hul maters gaan deel.

Tuis aangekom lag hy steeds. “Ek dink nie ons gaan ooit weer probleme met skaapdiewe hê nie,” sê hy, en vertel sy vrou wat gebeur het. “Ek wens jy kon vir Bertus gesien het toe hy so skielik voor hulle verskyn,” eindig hy sy storie. “Dit het wragtig gelyk of hy oor die pad sweef!”

Sy vrou staar hom met ‘n klein fronsie aan. “Dis vreemd. Toe ek vroeër vir Sienie gebel het, het sy gesê Bertus sal dit nie kan maak nie, want hy is besig met ‘n vers wat sukkel om te kalf!”

Dom Dolf

Ou Dom Dolf is verskriklik oorgewig en gaan sien die dokter.

"Oukei," sê die dokter. "Hier's die plan: Eet vir twee dae normaalweg, skiep die derde dag en eet weer normaalweg vir die volgende twee dae ens ens. Volg hierdie plan vir vier weke en jy gaan ten minste 10kg verloor."

Ná twee weke is Dolf terug en tot die dokter se verstomming het het hy 30kg verloor.

"Sjoe," sê die dokter. "Dis fantasties! Lyk of my plan gewerk het."

"Ja, dok, maar ek moet jou sê dié dae wat ek sonder kos moes bly wou ek vrek!"

"Van die honger?"

"Nee, van al die flippen geskiepery!"

'n Eye opener

Ek het die volgende storietjie in my email gekry en voel dis die moeite werd om te deel:


"Die omie kom gebukkend, skuifelend die pad afgestap, sy verkreukelde hoed styf in sy hand vasgeklem. Die plooie trek donker dongas oor sy gesig, en sy oë is dof en blou. Sy klere hang soos ʼn meelsak om hom, sy skoene het al beter dae gesien. Sy hare wapper in drie slierte om sy voorkop, sonverbrand.

"Boetie! Boetie!" roep hy na my.
Ek gee hom een kyk en kyk dan anderpad.
Net nog 'n boemelaar, net nog 'n bedelaar. Ek draai my rug op hom en sluit die motordeur oop.
"Boetie, boetie! Wag, ek wil met jou praat." Hy struikel van die sypaadjie af, kom krom, oud en verwaarloos na my aangeskuifel..
Ek skakel die motor aan, kry trurat en ry van hom af weg terwyl hy my verslae agterna kyk.
"Kry vir jou werk," mompel ek die skuldgevoelens weg. "Maak soos ek maak, dit bring geld, dan kan jy suiptot jy omval."

By die huis vertel ek vir Vroulief van die voorbarige bedelaar wat ek gesien het.

Sy is hoogs ontsteld : "Waar slaap die arme man vanaand? Dit lyk asof dit gaan reën."
"Moenie oor hom worrie nie, sy soort het altyd 'n plan, hy wurm hom met 'n sak wyn iewers in 'n kombers toe en verdrink die dag van môre."

"Swerwer, jy is ʼn harde man. Wat daarvan as hy drink? Hy is ook net ʼn mens, net soos jy," berispe Vroulief. Oomblikke later staan sy in die deur, 'n kospakkie en 'n kombers onder die arm. "Vat my na hom toe," gebied sy in 'n stemtoon wat waarsku dat sy geen nonsens gaan duld nie.
"Vrou, is jy gek? Die man is seker lankal weg."
Maar 'n rukkie later ry ons in stilte soontoe, ek hoogs de duiwel in dat my aand ter wille van 'n boemelaar bederf word.
Voor die koöperasie stop ek op dieselfde plek. In die lig van die voertuig sien ek hom op die sypaadjie sit, sy kop op sy knieë, hande wat hang tot op die grond.

"Sien jy, wat het ek jou gesê?" sê ek snedig vir my vrou. "Klaar dronk."
Sy ignoreer my, maak die deur oop en skud die omie aan sy skouers. Stadig lig hy sy kop; trane stroom oor sy wange.

"Omie, ek het ietsie gebring om te eet",  sê sy sag terwyl sy sy hande in hare neem.


Die omie se lyf begin ruk soos hy huil. "Mevroutjie, dis nie ek wat in die nood is nie, dis die tannie by die huis. Sy het in die bad geval en kan nie opstaan nie en ek is te swak om haar te help. Ek het vroeër 'n man probeer stop om te vra dat hy my asseblief moet gaan help, maar hy het weggery sonder om my 'n kans te gee. Al wat ek toe kon doen was om te bid, en God het my gebed verhoor. Hy het 'n engel soos jy gestuur."

Ek sit met ʼn knop in my keel, trane wil oor die walle stroom, die hartseer is diep en skerp. My gemoed is week van die verskriklikste skaamte. Omdat ek 'n medemens in nood se pleidooie geïgnoreer het. Mag ek daarvoor vergewe word, en mag ek nooit ooit weer blind wees vir 'n ander se behoeftes nie.
'

Volksmoord in die naam van demokrasie

Ek is 'n skrywer wat dit in die verlede nogal baie geniet het misdaadverhale te skryf. Ek het toe vir lank op meer romantiese stories gekonsentreer, tot 'n tydskrif my onlangs genader het vir 'n paar misdaadkortverhale.

Toe ontdek ek die misdaad in ons land maak dit eintlik onmoontlik om 'n werklik goeie misdaadverhaal te skryf. As 'n karakter nou moord beplan en 'n motief wil fabriseer om die polisie om die bos te lei, hoef hy nie meer 'n ingewikkelde plan te bedink nie. Die maklike uitweg is om voor te gee dit was 'n swart op wit moord, enigiets van 'n inbraak tot 'n kaping. Of hy kan sy teiken se voertuig jippo sodat dié in 'n ongeluk sterf. Een van die honderde daagliks in ons land. Geen verrassing daar. Of hy kan sy slagoffer, as dié dalk 'n pasiënt in die hospitaal is, met 'n kussing gaan versmoor en geen haan sal daarna kraai nie. Dis geen geheim meer dat talle mense vandag in hospitale weens mishandeling, nalatigheid en verwaarlosing sterf.

Daar is ook geen skok-element meer as ons hoor iemand is vermoor nie. Die leser gaan dus eerder gaap as om geïnteresseerd regop te sit as 'n moord ter sprake is. .

Watter metode hy ookal kies, hy kan seker wees dat hy maklik daarmee gaan wegkom, want speurders wat soos bloedhonde sy spoor gaan vat, bestaan eenvoudig nie meer nie. Die polisie verkies deesdae om bloot 'n saaknommer vir versekeringsdoeleindes te gee. En 'n mens kan hulle seker nie kwalik neem nie. Teen die tempo wat moord en ander misdaad gepleeg word, stry hulle in elk geval 'n verlore stryd.

'n Lewe in Suid-Afrika het verspot goedkoop geraak. Só goedkoop dat niemand meer na hul asem snak nie. Só goedkoop dat dit elke lang lyste in die koerante vorm; soveel dat jy naderhand moeg raak om daarvan te lees, die een grieselriger en wreder as die ander.

Geen fiktiewe verhaal wat ek skryf sal kan kers vashou met wat vandag in ons land aangaan nie.

In Suid-Afrika is die werklikheid vandag inderdaad baie grusamer as fiksie.

Is dit nie te cute vir woorde nie?

arme kuikentjie!

Die ewige "te wit" kwessie

Ek kan al skree as ek iets sien van “nog te wit”.

Hoe swart moet dinge raak voor hulle tevrede sal wees?

Ons het reeds ons jobs vir hulle gegee, wat hulle in hul gatte opgedruk het.

Ons het ons rugbyspanne erg verdonker en wat het gebeur? Hulle verloor soos nog nooit vantevore nie.

Ons het hulle in hoë poste gesit terwyl ons die vuil werk onder doen en wat gebeur nou: Hulle kry salarisse en bonusse wat die maatskappye waarvoor hulle werk bankrot maak.

Het die dom donners al ooit gewonder wat gaan gebeur as daar glad nie meer wit mense in werksposisies is nie? Ek sal hulle sê wat gaan gebeur. Dit sal nie meer ‘n land van melk en heuning wees nie. Daar gaan nie meer geld uit die wittes se sakke inrol nie. Daar gaan nie meer iemand wees wat die werk doen nie. 

Die verminking van ons kinders in die naam van tradisie

Ek lees laas week van die ou seuntjie wie se tottie so gruwelik vermink is nadat 'n dokter wat hom moes besny drooggemaak het. Hulle beweer hy sal nooit weer volkome normaal kan funksioneer nie en ook nie eendag kinders kan hê nie.

My bloed kook as ek sulke dinge lees. En nee, dis nie soseer vir die dokter wat ek kwaad is nie, maar vir die ouers. Ons kritiseer graag die swartes oor hul inisiasierituele wat hulle ook dikwels vermink agterlaat. Maar doen ons nie presies dieselfde as ons ons seuns laat besny nie? Vir wat moet dit gedoen word? Om die ouers te plesier?

Niemand in my familie, nie my broers, my eks en sy broers of my seuns is besny nie en nie een van hulle het ooit probleme met hul penisse gehad nie. 'n Ouerpaar het onlangs vir my gesê hulle doen dit omdat hul kerk dit vereis. Van wanneer af kan 'n kerk jou met so 'n uiters private keuse voorsê? En wat van daardie kind? Hy het geen sê in wat met hom gebeur nie.

Ek wens regtig daar wil 'n wet kom wat ouers verbied om hul kinders se genitalië te laat vermink in die naam van een of ander kerklike of tradisionele gebruik. Vir predikante of leke predikers wat hul lidmate aanraai om so iets te doen wil ek net sê: Die liewe Vader het nie halwe werk met sy skepsels gedoen nie. As hy wou gehad het daar moet nie 'n voorhuid wees nie, sou hy seuns daarsonder geskape het. Hou op om onskuldige kinders met sulke gruwelgebruike te vermink!

Ons oues van dae

Teen hierdie tyd moet almal wat hierdie blog lees al weet ek het ‘n sagte plekke vir bejaardes. Ek hou dus nie daarvan om hulle te kritiseer of fout te vind nie.

Nou is dit ongelukkig so dat iets my baie pla. En dit is die groeiende aantal van hulle wat deur hul kinders weggegooi word, hetsy in ‘n tehuis of iewers in ‘n agterkamertjie. Telkens as ons van so ‘n geval hoor sit ons regop en wys met beskuldigende vingers na die kinders. Ook na die gemeenskap wat nie ‘n bietjie tyd en aandag aan die eensames skenk nie.

Maar die vraag wat ek vandag wil vra is: hoekom gebeur dit? Hoe kry ‘n kind dit oor sy of haar hart om ‘n ouer net te vergeet? Kan dit dalk wees dat die ouer self daartoe bygedra het. Ek het in ‘n huis vol liefde grootgeword, met ouers wat hul lewens vir ons kinders sou gegee het. En ek kan in my wildste drome my nie voorstel dat ek hulle sou weggegooi het nie. Inteendeel, ek en my broers en suster het ons ouers tot met hulle dood op die hande gedra. Ons het gereeld gaan kuier, ‘n geldjie of geskenke aangedra, vir hulle die huis skoongemaak en ander takies verrig waarvoor hulle te oud geraak het. Ons het met hulle gesels, grappe gemaak en altyd lekker gekuier.

Want hulle het dit verdien. Hulle het alles vir ons feil gehad, ons nooit verwaarloos of liefdeloos behandel of teleurgestel nie.

Kan dit dan wees dat baie van die bejaardes wat vandag sg weggegooi word, dalk ‘n aandeel daarin gehad het? Ek meen, ons is geneig om te vergeet hulle was ook eens op ‘n tyd jonk en roekeloos en onverantwoordelik. ‘n Ma wat nooit tyd vir haar kinders gehad het nie of hulle dalk gedurig verskree het; ‘n pa wat gedrink en die kinders mishandel het of bloot net nooit by die huis vir hulle was nie.

En alle oumense waardeer dit ongelukkig nie altyd as ‘n mens goed vir hulle probeer wees nie. Ek het ‘n paar jaar gelede besluit om my deel te doen deur die tehuis op ons dorp gereeld te besoek en ‘n bietjie saam met die oues van dae te kuier. Maar op die ou end was dit ‘n nagmerrie. Ek het veral met twee soorte te make gehad: diegene wat heeltyd vol bitterheid gesit en vuur spoeg het oor alles onder die son, van hul slegte kinders tot die slegte regering; of diegene wat bot voor hulle gesit en uitstaar het sonder om aan die gesprek deel te neem. Die gevolg is dat ek op die ou end opgehou gaan het.

Hoe dit ookal sy, dis nie lekker om oud en weerloos te wees nie. Wat hulle ookal in hul produktiewe jare aangevang het, ons moet hulle vergewe en help, dis so eenvoudig soos dit. 

Ons kinders: ons trots of kruis?

'n Dogter wat ek geken het, het haar eie lewe geneem. Niemand weet hoekom nie, haar ouers die minste van alma.

Hoe tragies. Nog 'n jong lewe wat nooit wasdom sal bereik nie.

Die moderne eeu het amazing tegnologie voortgebring, veral vir tieners.  Kyk maar na al die speletjies wat vandag bestaan en wat seker maak dat hulle nie nodig het om uit te gaan buite toe en vars asem te skep of 'n bietjie oefening in te kry nie. Dit het ook ongekende vryheid vir hulle meegebring. Hulle mag nie meer lyfstraf ontvang nie. Tot baie ouers se verligting, want nou het hulle 'n verskoning om slap te laat lê.

Maar hoe gelukkig is vandag se tieners werklik? Dit wil sê sonder die grondslag van reëls wat bedoel is om hulle veilig en beskermd te laat voel. Wat weet ouers vandag van hul kinders se doen en lates af? Ek dink in meeste gevalle nie veel nie. Jy is net te besig om jou eie lewe te lei en stryde te stry. Die werk wat jy haat, jou huwelik wat aan 'n draadjie hang, ander persoonlike demone wat jou teister.

Toe ek 'n kind was was daar 'n vaste gesinsstruktuur in my lewe. 'n Pa wat gewerk het en 'n ma wat ons tuis versorg het en nie geskroom het om haar skoen uit te pluk as ons balhorig geraak het nie. Ons het presies geweet waar ons met ons ouers staan, wat daar van ons verwag is en alhoewel dit nie engeltjies van ons gemaak het nie, was ons nooit bang vir die lewe nie. Ons het nie dwelms nodig gehad om te cope nie. Ma en Pa het nie vir ons geld in die hand gestop en die strate ingestuur om 'n bietjie van ons ontslae te raak nie. Bowenal het hulle altyd geweet wat in ons lewens aangaan, selfs as ons dit vir hulle probeer wegsteek het.

Iets soos selfmoord het ons totaal nie geken nie. En seks was 'n verbode onderwerp. Dit was trouens 'n groot storie as 'n ongetroude meisiekind in "die ander tyd" beland het! Vandag word seks van jongaf op kinders afgedwing, daar is selfs skole wat dit as 'n vak aanbied en op TV is dit vrylik te sien. En, ironies genoeg, hoe meer ingelig hulle raak hoe meer kom tienerswangerskappe voor. Maar dit word ook maklik vir hulle gemaak om daarvan ontslae te raak: aborsies waarvoor hulle nie hul ouers se toestemming nodig het nie.

Het dit nie tyd geword dat die gejaag na materiale dinge end kry en daar weer op sterk gesinsstrukture gekonsentreer word nie? Jou opvoeding is die basis waarop jou persoonlikheid ontwikkel. As dit onstabiel is sal jy vorentoe met baie issues sit. Kom ons doen iets om die toedrag van sake te verander. Kom ons gee weer om vir ons kinders en hulle toekoms.

BEMAGTIG JOUSELF TEEN TEISTERING

In die meeste omstandighede hoef ons nie ‘n slagoffer te wees nie. Maak nie saak of jy ‘n boer is wat sukkel om van die plakkers op jou plaas ontslae te raak en of jy ‘n vrou is wie se lewe deur ‘n stalker of ‘n gewelddadige eggenoot of ‘n wraaksugtige eks of ‘n orige baas hel gemaak word nie. Daar is altyd ‘n plan wat jy kan volg om van die peste ontslae te raak.

Om by die boere te begin. Vergeet van die polisie se hulp inroep of jou op die hof te beroep as jy met plakkers op jou grond sit. Jy sal tien teen een teen hierdie tyd weet hulle is van geen hulp in sulke gevalle nie. Ek het ‘n paar gevalle nagevors en gaan kortliks van een vertel wat soos ‘n bom gewerk het.

Toe plakkers op ‘n plaas langs syne begin plak het, was dit die einde van Neels se waatlemoen boerdery. As die oortreders nie van die waatlemoene gesteel het om te eet of te verkoop nie, het hulle dit vol gate gesteek sodat hy niks daarmee kon doen nie.

Neels se seuntjie het toe eendag vir hom ‘n aardige masker gekoop, van die soort wat jy oor jou kop trek. Die kind het toe ewe onskuldig buite op die werf daarmee rondgeloop, maar sover hy gegaan het en ten spyte daarvan dat die swart werkers geweet het dis hy, het hulle histeries gevlug elke keer as Neels se kind naby hulle gekom het. Dit het Neels toe ‘n idee gegee.

Hy en twee vriende het vir hulle soortgelyke maskers gaan koop, swart klere aangetrek en nag na nag in ‘n oop veld op die rand van die plakkerskamp gaan ronddwaal. Elke keer as hulle van die plakkers gewaar het hulle hul maskers met flitse verlig. Nie lank nie of die storie van tokkelossies het onder die plakkers versprei. ‘n Paar weke later was hulle almal weg! Daar het intussen ook stertjies bygekom, blykbaar deur die plakkers self gefabriseer, soos dat daar al baie swartes op daardie plaas vermoor en skelm begrawe is en dat hul geeste saam met die tokkelossie rondgeloop het. Hoe dit ookal sy, Neels het nooit weer probleme met plakkers gehad nie en niemand het ooit weer by sy waatlemoene kom lol nie.

Nou vir die vrouens wie se lewens deur mans versuur word.

Jy kan enige van die volgende metodes gebruik om van hom ontslae te raak.

As dit jou baas is wat gans te opdringerig met jou is, en jy is te bang om hom by die grootbase te gaan aangee, eet genoeg knoffel en sorg dat hy dit ruik wanneer hy te naby jou kom. Jy kan dalk ook sorg vir ‘n sweetreukie! As hy onbehoorlik aan jou vat, spring elke keer met ‘n gilletjie op en maak of jy maar net ‘n senuweeagtige soort mens is wat maklik skrik. As hy jou met geweld probeer soen of so iets, kan jy gerus maar ‘n vice grip op sy kroonjuwele uitvoer tot hy jou los. Hy sal dit nie sommer waag om jou agterna te viktimiseer nie, want dan sal hy moet verduidelik hoekom jy hom daar gegryp het. Indien jy die moed het, kan jy selfs dreig om sy vrou van sy gedrag te vertel indien hy jou nie met rus laat nie.

As iemand wat jy redelik goed ken skielik in so ‘n mate op jou gefikseerd raak dat jy ongemaklik begin voel, neem sy selfoonnommer en begin hom op die onmoontlikste tye bel, soos by sy werk of wanneer hy snags slaap, kastig net om te hoor hoe dit gaan. Gesels dan sonder ophou oor goed soos jou prikkelbare dikderm, jou bloeiende aambeie en die baie operasies wat jy al aan jou vrouedele deurgemaak het.

Huishoudelike geweld is natuurlik ‘n baie ernstiger saak. Maar ek het die volgende staaltjie van ‘n kennis gehoor en dink dit was ‘n heel oorspronklike plan!

Kom ons noem haar Ryna. Sy was vir jare haar man se slaansak, maar was eenvoudig te bang om hom te los want hy het gedreig hy sou haar, hul kinders en homself vermoor indien sy dit doen. En sy het geglo hy sou dit regtig doen. Maar toe begin Ryna terugbaklei. Nie fisiek nie, maar psigies. Herklaas, wat altyd in haar goed gekrap het omdat hy vas geglo het sy verkul hom, het skielik begin afkom op goed wat hom al hoe ongemakliker laat voel het. Soos ‘n houertjie met wit poeier (versiersuiker) in haar handsak waarop geskryf was: strignien.  En tussen haar biblioteekboeke het hy een gekry oor vroue wat hul mans vermoor het. Hy het ook drukskrifte gekry wat sy van die internet afgelaai het wat gaan oor hoe om iemand dood te maak sonder om uitgevang te word.

Saans, wanneer hulle gaan slaap het, het Ryna gemaak asof sy dink Herklaar slaap al (terwyl sy aan sy asemhaling kon hoor hy is nog wakker) dan het sy stilletjies opgestaan. Soms het sy ‘n mes uit die kombuislaai gehaal, ander kere het sy in die sitkamer swaar voorwerpe opgetel en dit “getoets” deur dit in die lug te swaai. Gewoonlik was ‘n uiters agterdogtige Herklaas kort op haar hakke om ‘n verduideliking te eis, waarop Ryna dan ‘n hakkelende en onoortuigende storie gefabriseer het.

Ryna se plan het uitmuntend gewerk. Nie net het Herklaas opgehou om haar te slaan nie, hy het uit die huis geepad en haar vir ‘n egskeiding gevra!

Ja’k, as ‘n boelie van sy eie medisyne inkry, proe dit nooit te lekker nie!

Skuld en Apartheidsjare

Ek voel nie eens effe skuldig oor apartheidsjare nie. Ek is ook nie skaam om te sê dit was die beste tyd van my lewe nie en dat ek wat sou gee om dit terug te kry. Hoekom moet ek lieg net om politiek korrek te wees?

Natuurlik het ons regering moerse foute gemaak. Soos om apartheid amptelik in te stel en "slegs blanke" bordjies op te rig. Dis 'n lat wat vandag kwistig gebruik word om onskuldige mense mee te slaan. Dit was ook 'n onvergeefbare fout om onskuldige swartes te martel of te vermoor. Net so erg soos die ANC bomplanters wat onskuldige mense opgeblaas het.

Maar ek het nie van hierdie dinge geweet nie, dus, hoekom moet ek skuldig voel? Ek het die swartes waarmee ek saamgelewe het ordentlik behandel, selfs vriende onder hulle gehad. Ons het in vrede saam met mekaar geleef, mekaar gerespekteer en gehelp waar ons kon.

Voor 1994 kon ons somernagte buite op die stoep slaap wanneer die hitte te erg geraak het. Die enigste ding wat ons toe gevrees het was muskiete.

Ons kon wandelinge onderneem sonder om aangerand te word. Ons kon 'n lang pad vat en vir 'n blaaskansie stilhou sonder dat misdadigers soos vlieë uit die bosse toegeslaan het. Hier dink ek in die besonder aan die pa, ma en twee kleutertjies van 'n paar jaar gelede wat langs die grootpad stilgehou het om water af te slaan. Die pa en ma is net daar doodgemaak en die twee kleintjies is alleen langs die pad agtergelaat toe die barbare met hul motor weg is. Dink jou in wat daardie tweetjies moes deurgemaak het!

Bejaardes is toegelaat om waardig te sterf, vandag word hulle gemartel en aan die uiterste vorms van wreedheid blootgestel voordat hulle op die ou end genadiglik sterf.

Ons was nie bang om swartes op ons werf of in ons huise toe te laat nie; vandag ly baie van hulle honger omdat ons eerder self die werk doen as om 'n vreemde te huur en jou lewe daardeur in gevaar te stel.

Die ding waaroor ek meeste wonder, waar het al die moordenaars so skielik ná 1994 vandaan gekom? Hoekom het 'n swart vel vir ons blankes die simbool van gevaar geword? Is dit nie die ANC se skuld waarvoor húlle die land dalk om vergifnis moet vra in plaas van wette in te stel wat misdadigers net al hoe meer beskerm nie? En hier dink ek nou aan die omie van in die 70 wat nou 15 jr tronk toe gestuur is omdat hy 'n wilddief doodgeskiet het.

Voor 1994 was Suid-Afrika 'n onafhanklike, trotse en welvarende landjie ten spyte van al die sanksies. Ons was trots op ons munisipaliteite, op die higiene en dissipline in ons hospitale, die opleiding van ons verpleegpersoneel. Daar was genoeg geld in die staatskas om te sorg vir ordentlike paaie en goeie mediese dienste.

Daar word nou beweer daar was net soveel korrupsie onder regeringsamptenare gepleeg as vandag. Ek sê boel. As iemand gesteel het is dit aan 'n groot klok gehang. Om tronk toe gestuur te word was die grootste  skande denkbaar. Ek onthou nog die Inligtingskandaal. Dit was vir baie lank voorbladnuus, ministers is afgedank, hofsake het gevolg en ons weet wat die uiteinde van alles was. Mense het eenvoudig nie met misdaad weggekom nie.

Ja, witmense het die meeste poste beklee,  die beste skoolopleiding gehad, ens, ens. Maar nou vra ek, was dit werklik apartheid se skuld? As ek sien wat die afgelope 17 jaar gebeur het, dan twyfel ek sterk of dinge vandag vreeslik anders daar na sou uitgesien het as dinge destyds anders gedoen gewees het. Kyk hoe vrot vaar meeste steeds in die skool. Dit terwyl standaarde reeds ter wille van hulle verlaag is en punte skaamteloos aangepas word om hulle te laat slaag.

Die ANC kan gerus 'n paar videotjies van die swart Amerikaanse pastoor James Manning gaan kyk en sien wat hy oor sy eie nasie (en SA s'n) te sê het. As hulle nie so arrogant is nie, mag hulle dalk 'n paar nuttige wenke by dié uitgesproke pastoor kry!

Hier is 'n skakel waarop jy kan kliek as jy dalk van sy videotjies wil sien. Daar is baie van hulle.


http://www.youtube.com/results?search_query=james+manning+white+people&aq=3&oq=james+manning

Kinders en hul sêgoed

Hoe kinders oor naaktheid voel kan duidelik uit die volgende twee staaltjies gesien word.

Die vrou en haar vyfjarige seuntjie ry in die straat en voor hulle is 'n paartjie in 'n afslaankap sportmotor. Die volgende oomblik kom die vrouepassasier orent, poedelnakend. Terwyl die ma nog verbouereerd wonder wat haar kind daarvan gaan dink, sê hy geskok: "Kyk, Mamma, daai tannie dra nie 'n veiligheidsgordel nie!"

'n Klein seuntjie dwaal by 'n atletiekbyeenkoms op die terrein rond en bevind hom later in die dameskleedkamer. Toe hy inkom, is daar 'n klomp gille soos die klomp sukkel om naaktheid te bedek. Waarop die knapie so ewe wil weet: "Hoekom skree julle so? Het julle nog nooit 'n seuntjie gesien nie?"

'n Vrou en haar dogtertjie besoek 'n outetehuis. Die vrou probeer vir haar kind verduidelik van al die hulpapparaat wat die oumense gebruik toe sy merk die kind se o

EK IS GATVOL VIR......

*  ‘n Onbevoegde en korrupte regering wat ons eens pragtige land in die afgrond in regeer. Ek lees in Rapport hulle wil maatskappye met 10% van hul jaarlikse omset beboet indien hulle nie aan regstellende-aksie-teikens voldoen nie. Liewe hemel, soos dit is, sit ons op elke vlak en in elke sektor alreeds met ‘n spul vet katte wat nie ‘n idee het wat in hul werkplek aangaan nie en ook nie omgee nie, net so lank hulle elke maand ‘n vet salaris ontvang. Ek sidder om te dink wat gaan gebeur as hulle die bietjie blankes wat nog desperaat probeer om dinge te laat vlot ook uitwerk! Vavi van Cosatu sê as die ANC se jeugliga daarin slaag om die regering oor te neem sal ons in ‘n piesangrepubliek ontaard. Ek het nuus vir hom. Ons is klaar daar. Wys my enige staatsinstelling wat nog produktief funksioneer en ek trek my woorde dadelik terug.  Vat hulle nou nog die myne en banke ook hoef ons blankes nie te wag om deur Malema en sy bendes die see ingejaag te word nie, ons kan dit maar sommer vanself doen.

*  ‘n Skietlustige polisiemag waarvan ‘n derde self misdadigers is en nog ‘n derde nie die lus of opleiding het om hul werk behoorlik te doen nie. Dit terwyl die oorblywende derde eenvoudig nie genoeg is om orde te handhaaf nie en hul moraal boonop afgebreek word deur die wete dat harde werk en jare se ondervinding nie meer vir hulle bevordering in die sak gaan bring nie omdat hul swart swart kollegas onverdiend vir dié voorreg uitgesonder word. Wat my laat wonder: bestaan daar deesdae nog iets soos polisieopleiding? Wil nie vir my so voorkom as ek sien hoe die regstellende polisie optree nie.

Dis tragies dat die polisie deesdae vrees pleks van gerusstelling inboesem. Dis ‘n skande dat hulle hul mag misbruik om gewone wetsgehoorsame burgers te boelie. Of dat hulle nie beskikbaar is as jy hulle werklik nodig het nie. En wee jou as jy dalk ‘n menslike foutjie begaan, soos die vrou wat per ongeluk ‘n polisievoertuig gestamp en toe summier deur ‘n trigger happy polisieman doodgeskiet is. Ek brand om te weet wat met ta gebeur het. Ek twyfel of hy sy werk sou verloor het, never mind vervolg sou word. Hy kan bly wees hy is nie ‘n wit polisieman wat ‘n swart vrou geskiet het nie, dan sou die hel los gewees het. Om die waarheid te sê as ‘n moordlustige skare hom nie gestenig het nie, sou hy die res van sy lewe agter tralies deurgebring het. En ons almal weet wat gebeur met blankes wat in die tronk beland.

*   Slegte paaie. Dit het ‘n nagmerrie geword om iewers heen te reis. Maak nie saak watter rigting jy inslaan nie, oral is dit dieselfde storie. Slaggate so ver as wat jy ry. Teerpaaie waarvan groot stukke opgebreek het en nou sommer weer grondpad geword het. Jy hoor feitlik daagliks van ongelukke wat daardeur veroorsaak word, van lewens wat dit eis. Nou word daar peperduur tolpaaie opgerig en hemelhoë belasting op brandstof gehef omdat die regering konsuis nie geld het om die paaie reg te maak nie. Maar wat word van die padbelasting wat ons nog al die jare betaal? Hoekom kon die vorige regering die paaie daarmee in stand gehou het? Ek sal julle sê hoekom. Omdat daar daardie jare gewerk is. As iemand nie sy kant gebring het nie, is hy afgedank en klaar. Nou staan en sit die lot vir kwaadgeld rond en wag tot dit tjailatyd is. En diegene wat moet toesien dat hulle werk, is meestal swart BEE-base wat nie ‘n flenter omgee nie. Meeste van hulle dink mos die wittes se geld groei op hul rug, dit sal nooit opraak nie. Vir hulle wag daar ‘n moerse surprise wanneer Malema se wens waar word en hy van al die wittes in die land ontslae geraak het.

*   Swak mediese dienste. Nee, wat praat ek. Vir geen mediese dienste! Gaan kyk maar hoeveel klinieke sonder die broodnodige medisyne is. Soos hart- en bloeddrukpille vir bejaardes. Ek wonder hoeveel lewens hierdie nalatigheid al gekos het.

Dan praat ek nie eens van wat in ons hospitale aangaan nie. Dis ‘n sirkus. Ongelukkig een wat geen plesier verskaf nie omdat dit lewens eis weens swak higiëniese toestande, onbekwame verpleegpersoneel, ingevoerde dokters met bedenklike kwalifikasies, mishandeling van pasiënte, veral oumense en blankes en vele meer. Florence Nightingale draai in haar graf om as sy moet sien wat van haar eens trotse en edel beroep geword het!

Ek was een keer in ‘n saal vol vroue wat op die punt was om te kraam en het met my eie oë gesien hoe die verpleegsters met dieselfde bloederige handskoene van die een vrou na die ander beweeg terwyl hulle inwendige ondersoeke gedoen het. Stel jou voor hoeveel siektes op dié wyse oorgedra word, om nie eens van vigs te praat nie!

*  Krag wat net al hoe duurder word terwyl die vet katte in Escom miljoene rande (per persoon) verhoging gekry het. Ek weet van ‘n ou tannie wat R1,140 aan oumenspensioen ontvang. Ten spyte daarvan dat sy haar bes doen om krag so ver moontlik te bespaar is haar rekening elke maand in die omgewing van R800. Waar moet die geld vir kos en ander noodsaaklikhede vandaan kom? Ag nee, dis ‘n skreiende skande dat dit so met ons oumense gaan

*   Die sinnelose moorde op ons bejaardes wat op ‘n daaglikse basis plaasvind en meestal teen ‘n paar moorde per dag. Ou tannies in die 80 word gemartel voor hulle doodgemaak word. Dis mos nie mense wat so iets doen nie, dis die duiwel self. Waar gaan dit eindig?

Daar is nog baie goed waarvoor ek gatvol is, maar dit sal eenvoudig te veel tyd en plek in beslag neem. Is daar werklik nog hoop vir ons land? Ek weet nie. Ek wens ek kon dit geglo het.

Wat werklik belangrik is

Ek hou van hierdie gedagte:   Dis nie wat jy bymekaarmaak wat tel nie, maar wat jy uitdeel.

Ons het almal ideale. 'n Droomhuis. 'n Droomwerk. 'n Droomman of -vrou. Ons wil die beste wees in wat ons doen. En laat ons nou maar eerlik wees, dit gaan alles om die eie ek, om jou ego te voed, om belangrik te voel. Tog is dit nie al hierdie dinge wat mense na jou toe aantrek nie. Hulle sal jou miskien op 'n afstand bewonder, of met verering oor jou praat, maar as dit by vriende kom, kies hulle diegene wat makliker gee as ontvang. Hulle wat nie omgee om in die nag op te staan as jy in die nood is nie. Wat sy of haar laaste sente vir 'n boemelaar sal gee. Wat 'n outannie oor die straat sal help. Wat onselfsugtig en altyd daar is vir jou.

So, miskien moet ons ons strewe 'n bietjie begin verander. Ons meer op ander se behoeftes instel as ons eie. Daar is werklik niks so bevredigends soos om te weet jy het met 'n onbaatsugtige daad iemand anders se lewe beter gemaak nie.

Bejaardes in nood

'n Mens hoor net te dikwels van bejaardes wat dood in hul kamertjie aangetref is, soms weens 'n siekte, meer dikwels as gevolg van honger, koue of ander ontberings. Die dae toe kinders vir hul bejaarde ouers gesorg het tot die dood toe is helaas besig om 'n skaars kommoniteit te word.

As jy nog 'n hart en gewete het, doen asseblief jou plig. En nie noodwendig net vir jou eie ouers nie. Wanneer jy gaan inkopies doen of werk toe ry, wees op die uitkyk vir bejaardes wat te voet is. Daar is baie van hulle wat geen vervoer het nie en dan winkels toe moet loop terwyl hulle nie regtig daartoe in staat is nie. Vind ook uit of daar in jou buurt bejaardes is wat alleen bly. Gaan hoor dan of jy dalk kan help met inkopies of persoonlike versorging. Of, as jy nie daarvoor kans sien om permanent betrokke te raak nie, bring ten minste net die persoon se nood onder 'n welsynwerkster se aandag.

Onthou, ons almal raak oud as ons nie voor die tyd deur onvoorsiene omstandighede weggeneem word nie. Ek begin die ouderdom self nou aan eie bas voel. Jy het geen beheer oor ledemate as hulle nie meer wil saamwerk nie. Probeer jouself in so 'n situasie indink en ontwikkel dan empatie as jy dit nie voorheen gehad het nie. Ek glo aan kharma. Dat dit wat jy vir ander doen dubbel aan jou teruggedoen sal word. Begin dus vroegtydig belê in 'n toekoms waar jy dalk die hulpelose een gaan wees!

Eendeweer en pannekoek

Dis vandag die regte weer vir pannekoek -nat koud en reënerig. Laat my dink aan 'n prettige voorval toe ek nog 'n kind was. Ek en my vriendin moes Ma help pannekoek bak vir boetie en sy nuwe meisie wat op pad was vir 'n kuiertjie. Ons besluit toe om Boet 'n streep te trek deur 'n ronde lap te sny en in een van die pannekoeke te bak.

Waarmee ons nie rekening gehou het nie was dat sy deftige meisie se deftige ouers sou saamkom. En soos die duiwel dit wou hê beland die "gelapte" pannekoek toe op die meisie se ma se bord. Die arme vrou het gesny en gesny en die pannekoek van alle kante bekyk en intussen al rooier geword omdat sy nie 'n stukkie afgesny kon kry nie. Terwyl ons natuurlik op 'n afstand gestaan en giggel het.

Ma het toe later agtergekom iets is verkeerd en ondersoek ingestel. Nodeloos om te sê ons boude het gebrand toe sy die lap daarin ontdek!

Wenke vir gesondheid

Het hierdie naweek iets ontdek wat werk vir blaasinfeksie - Citro-soda. My infeksie was so erg dat ek geen beheer oor my blaas gehad het nie en binne twee ure nadat ek die citro-soda twee keer gebruik het, was ek reg soos reën!

Vir erge diarree, drink net 4 Lomotils en jou probleem behoort opgelos te wees.

Telkom

Ek het al baie keer in my lewe swak diens ervaar, veral in die nuwe Suid-Afrika. Maar swakker as Telkom kan jy nie kry nie.

Probeer gerus hul hulpsentrum bel. Dis 'n absolute nagmerrie. As jy een van die magdom nommers skakel wat hulle agter op hul maandstate aangee, begin dit met 'n eentonige manstem wat eers 'n lang storie het voor hy uiteindelik sê jy moet jou telefoonnomer inpons. En dan begin die eintlike nagmerrie. Jy kry genommerde opsies wat jy moet kies vir jou probleem. Jy kies een van hulle. En jy kry nóg 'n klomp. En jy kies weer. En jy kry nog een. Uiteindelik kom jy by een uit wat jou die keuse gee om met een van hul operateurs te praat. En dan begin die aanhou. Jy's gelukkig as dit onder 'n kwartier is. Nou antwoord iemand met 'n aksent wat so swaar is dat jy nie 'n woord kan verstaan wat hy/sy sê nie. Maar na 'n geworstel verstaan hy/sy uiteindelik wat jou probleem is en sê dan vir jou jy moet 'n ander nommer skakel.

So, jy begin die hele proses van vooraf. En ná nóg 'n vermorste kwartier hoor jy jy moes eintlik die eerste nommer geskakel het. En dit help nie jy sê vir die dom donner jy het dit reeds gedoen en hulle het jou hierheen verwys nie.

Toe ek ná twee jaar uiteindelik genoeg hiervan gehad het, besluit ek om oor te gaan na 'n ander diensverskaffer. Net om uit te vind ek moet steeds 'n telkomlyn huur. Dus, ek moet steeds na hul hulpsentrum bel as ek 'n probleem met my internet het. Die gevolg is dat ek terug is by selfooninternet. Tenminste hoef ek nie nou met die idiote te onderhandel as iets verkeerd loop nie.

Die ergste is my rekening wat ek maandeliks van telkom gekry het. Dit was veronderstel om in die omgewing van R500 te wees en vir die eerste twee jaar was dit naastenby reg. Maar toe verval my kontrak en ek besluit om na 'n ander verskaffer te gaan. Maar voor dit gebeur, praat telkom om om by hulle te bly met die belofte dat ek in plaas van drie gigs per maand voortaan 6 sal ontvang, steeds vir dieselfde prys. Ek val boots en all daarvoor. En ontdek met my eerste rekening dat my koste amper verdubbel het. Ek kanselleer toe dadelik alles en moet dáárvoor 'n bykomende amper R200 betaal. Ek moes ook vir die kansellasie van my lyn betaal het.

Ek wens regtig daar wil 'n ander maatskappy kom wat hulle eie lyne het. Hulle behoort fantasties te doen, want ek weet van 'n klomp mense wat Telkom soos 'n warmpatat sal los. Die probleem is net die regering sal dit nie toelaat nie, want hulle weet dat hulle miljoene gaan verloor as dit gebeur.

Maar Telkom is nie al sondaar nie. Ek weet daar is baie ander wat ten gronde gegaan het die afgelope paar jaar.

Geweld

Asof dit nie erg genoeg is dat blankes in hordes deur swartes vermoor word nie, neem moord onder blankes ook nou met rasse skrede toe. Nóg 'n man het sy eks vermoor. Dis die ergste van als, dat die meeste geweld in gesinne voorkom.  En dis die vrouens en kinders wat die ergste deurloop. Ja, ja, ek weet daar is vrouens wat ook hul mans slaan, maar ten minste kan die man homself verdedig as dinge nou regtig hand uitruk, maar wat kan 'n vrou of kind teen 'n man doen?

Vrouens moet wakker skrik. As 'n man haar een keer slaan, moet sy hom los, maak nie saak wat haar omstandighede is nie. Daar sal altyd 'n uitweg wees. 'n Man wat hierdie neiging het sal nooit verander nie. Moenie wag tot dit te laat is nie. En as jy hom los en hy dreig om jou of die kinders leed aan te doen, vat dit ernstig op! Sorg dat jy altyd iets het om jouself mee te verdedig as jy hom móét sien. Al is dit ook iets soos pepersproei of selfs 'n fluitjie. Dit behoort hom lank genoeg te verras sodat jy kans kan kry om te vlug of hulp te kry. Dis ook 'n goeie idee om selfverdedigingsklasse te loop as jy dit kan bekostig.

Mishandeling breek 'n vrou sielkundig meer af as liggaamlik. Hoe langer sy toelaat om 'n slaansak te wees hoe meer voel sy soos 'n nikswerd. Of dat dit haar skuld is. En dis nie waar nie. HY is die oortreder, nie sy nie. HY het 'n probleem, nie sy nie. Mans wat hul vrouens slaan is inherent lafaards wat hul frustrasies op onskuldige mense uithaal, diegene wie hulle veronderstel is om lief te hê en te beskerm.

Die volgende verskonings kom altyd voor wanneer jy 'n vrou vra hoekom sy by so 'n geweldenaar bly:
a. Sy het hom te lief om hom te los.
    Boel. Hoe kan jy so 'n swakkeling liefhê of respekteer? En dink jy miskien hy het jóú lief as hy jou so sleg behandel?
b. Sy het nêrens anders om heen te gaan nie.
    Selfs al is jy nie 'n kerkganger nie, kan jy na enige predikant of pastoor gaan en jou omstandighede verduidelik en hulle sal jou in die regte rigting help. Of jy kan  076-103-7531 skakel. Dis 'n tehuis vir mishandelde vrouens en hulle sal jou help om 'n tehuis in jou omgewing te kry. 


c. Hy dreig om my dood te maak as ek hom los. 
    Dis beslis 'n dreigement om kop toe te vat, soos ek reeds hierbo gesê het. Maar jy kan steeds na 'n tehuis vir mishandelde vrouens gaan. Sorg net dat hy nie daarvan weet nie. 

Wat die geval ookal is, dis net nie die moeite of jou lewe werd om my 'n geweldenaar te bly nie. Los hom sodra die eerste tekens daar is.

Grappie

Die eienaar van 'n groot maatskappy sien 'n jongman arms gevou staan en niks doen nie. "Luister jongman," sê hy streng. "Hier by ons word daar gewerk." Hy haal R6000 uit sy sak en gee dit aan die outjie. "Hier is drie maande se salaris. Maak dat jy wegkom en moenie weer terugkom nie."

Die jongman verdwyn soos blits. Bewus van die ander wat staan en toekyk, sê die eienaar. "En dit geld vir almal van julle. Terloops, wat wat is die man se naam wat ek pas afgedank het?"

Antwoord iemand: "Die pizza delivery boy, Meneer."

Kinders sonder kanse

Ons hoor tot satwordens tot van die "agtergeblewendes". Maar daar is ook 'n ander soort waaroor min gepraat word: kinders wat die slagoffers is van armoede, van alkoholisme, van mishandeling en van huishoudelike geweld.

Bennie is so 'n kind. Alhoewel hy op 10 'n jaar ouer as my kleinseun is, lyk hy ten minste 2 jaar jonger. Hy is klein en tingerig, met groot bruin oë en 'n wit koppie. 'n Verstotelinkie met wie die ander kinders nie wil speel nie, want hy ruik altyd na piepie. Ma en Pa drink albei, as Pa dronk is slaan hy Ma en kinders.

Die ouers wil ook nie hê hul kinders moet met Bennie speel nie, want hy was nog in die kleuterskool toe het hy al gerook en selfs gedrink as hy drank in die hande kon kry. Hy vloek ook soos 'n matroos.  Onder ma se rok uit. Dis 'n netelige situasie.  Jy kry die kind uit jou hart uit jammer, want hy het nie 'n lelike geaardheid nie, maar jy is bang vir die invloed wat hy op jou kind kan hê. Jy wil hê hy moet ook maats hê maar net nie jou kind nie.

Sulke kinders het mos nie 'n kans in die lewe nie. Daar is niemand wat vir Bennie 'n voorbeeld kan stel nie. Geen ouers wat hom leer van liefde en warmte en omgee nie. Geen veilige hawe waarheen hy smiddae kan terugkeer nadat ander kinders hom geboelie en juffrou op hom gepik het nie. Hulle bly in 'n spoorweghuis aan die buitewyke van die dorp, 'n gevaarlike roete deur 'n verlate plantasie. Snags is dit pikdonker in daardie deel van die dorp. As die kinders op 'n ander dorp gaan rugby speel het, word hulle donker by die skool afgelaai. Bennie moet dan soos sy vinger alleen huis toe stap, deur daardie donker plantasie. En niemand gee om nie.

Dit het nou al 'n paar keer gebeur dat Bennie se ouers die pad vat oor 'n naweek. Dan kom laai hulle hom doodeenvoudig voor ons huis in die straat af en maak dat hulle wegkom. Sonder klere en sonder om seker te maak ons is wel tuis. Dan sit ons die hele naweek met 'n onwelkome klein gas. Mense sê maklik jy moet die geval by die welsyn aanmeld. Maar wat gebeur dan? Bennie word deur 'n oorwerkte welsynwerker by 'n oorvol kinderhuis afgelaai, waar die geboelie en diskriminasie maar net voortgesit word, dié keer in 'n vreemde vreesaanjaende omgewing. En uit Bennie se praatjies het ek al afgelei dat hy eerder mishandel sal word as om uit sy ouerhuis verwyder te word. Dis immers al wat hy ken.

Is daar werkbare oplossings vir sulke gevalle? Ek wens ek het geweet.

Grappie vir die dag

'n Spietkop sien 'n kar teen 22km/h op die hoofweg voortkruie. Hy trek dit van die pad af en sien dis vier bejaarde vroue.


"Dame," sê hy vir die bestuurder. "Dis net so gevaarlike om te stadig te ry as om te jaag. Jy kan nie 22km/h sit en ry nie."


"O," sê die ou tannie verbaas. "Ons is by 'n padteken verby waarop R22 gestaan het. Ek het gedink dit staan vir ry 22 km/h."


"R22 is die naam van die hoofweg, dame."  Hy loer na die ander drie insittendes. "Is alles reg? Hoekom lyk almal so bleek?"


Die bestuurder giggel. "Seker maar omdat ons so 'n entjie terug 'n padteken gekry het waarop R189 gestaan het!"

Wees trots op jou kinders, ongeag...

Vier vriende, wat mekaar 30 jaar laas gesien het, loop mekaar raak by ‘n partytjie. Ná ‘n paar drankies verskoon een van hulle hom om ruskamer toe te gaan. Die ander drie begin spog oor hul kinders.

Die eerste ou sê: “My seun is die trots van my lewe. Hy het heel onder begin by ‘n baie suksesvolle maatskappy en hy het homself so ryk opgewerk dat hy onlangs vir sy beste vriend ‘n luukse Mercedes vir sy verjaardag gegee het.”
 

Die tweede ou sê: “Dis fantasties! My seun het net so goed gedoen. Hy werk vir ‘n lugvaartmaatskappy en is nou so ryk dat hy vir sy beste vriend ‘n jet vir sy verjaardag gegee het.”

Die derde ou sê: “Ek is bly vir julle part. My seun het by die beste universiteite gestudeer en ‘n ingenieur geword. Hy het nou sy eie konstruksiemaatskappy en het vir sy beste vriend ‘n 30,000 vierkante voet mansion vir sy verjaardag gegee.

Net toe kom die vierde ou van die kleedkamer af terug en vra: “Waaroor gesels julle so lekker.”

“Oor ons kinders wat so suksesvol in die lewe is,” sê die een. “Wat van joune?”

”My seun is gay en maak ‘n bestaan as danser by ‘n strip klub,” antwoord hy.

“Nooit!” sê sy drie vriende geskok. “Wat ‘n tragedie. Jy moet vreeslik teleurgesteld in hom wees.”

”Nee, ek is nie. Hy’s my seun en ek is lief vir hom. En hy doen glad nie sleg nie. Vir sy laaste verjaardag het hy ‘n Mercedes, ‘n splinternuwe jet en ‘n 30,000 vk voet mansion van sy drie boyfriends present gekry.”

Kinders se antwoorde op vraestelle - lekker Afrikaans!

* Salomo het driehonderd vroue en nog sewehonderd bye-vye gehad. Nie almal van hulle het gesteek nie, maar hy was gelukkig baie slim en het 'n plan uitgewerk. * Nog 'n belangrike uitvindsel was die bloedsomloop. Dit het verhoed dat jou bloed stilstaan, wat stilstuipe veroorsaak. * Peter Stuywestaan is 'n geskiedkundige figuur, want hy het sigarette uitgevind en begin rook. Hy het so baie gerook dat die niekoetien-kolle in sy onderbroek duidelik sigbaar was. * Egipteland was bewoon deur mummies en hulle het almal op hulle hero-gleuwe geskryf en vir hulle pappies gewys. Hulle het in die Sarah-woestyn gewoon en het waterbeurte gehad van die min reën. Die klimaat was só erg dat al die inwoners op ander plekke gebly het, en net naweke huistoe gekom het om sandkastele te bou. Die boesmans het in hulle tuine gewerk. * Moses het die Hebreeuse slawe na die Rooi See gelei waar hulle ongesuurde brode gebak het, dit is brood wat sonder enige bestanddele gemaak is en baie soet is van te min suurdeeg. Moses het die berg Sianied uitgeklim om die tien gebooie te kry. * Die Egiptenare was 'n hoogs gekulde volk en sonder hulle sou ons nie 'n geskiedenis gehad het nie. Hulle het omtrent al die kafees in Egipte gehad. My ma sê hulle het baie mites gehad wat seker in die kombuis gewerk het. * Demokrates was 'n beroemde Griekse wysheid wat rondgeloop en mense raad gegee het. Hy is dood omdat hy verskriklik oordosis of so iets. Ná sy dood het sy loopbaan dramaties agteruitgegaan. * In die ou Olimpiese Spele het die Grieke kaal paal gespring, zol geswaai, en disnis gegooi. Hulle was ook lief vir budgie-jump, omdat daar niks anders was om te jump nie. * Johanna van Arkel het van 'n stapel brandwonde gesterf. Hulle het haar met 'n blaasbalk aan die brand gepomp, tot haar hare effrou geraak het van skrik. * Koningin Elizabeth was die "Maagdekoningin". As 'n koningin was sy 'n sukses, maar nie as 'n maagd nie. Sy het haar volk se probleme aangetrek. En was altyd mooi geklee. * Dit was 'n tydperk van groot uitvindsels en ontdekkings. Gutenberg het die wynpers uitgevind. Hy het die slaweklokke gelui deur dit in die wynpers vas te draai dat die wyn spat. * Die grootste skrywer van die Renaissance was William Shakespeare. Hy is in die jaar 1564 gebore en die geskiedkundige mense dink dit was op sy verjaardag. Hy het nooit geld gemaak nie, en is net beroemd oor die toneelstukke wat hy geskryf het. Hy het tragedies, komedies en historektomieë geskryf. Romeo and Juliet is een voorbeeld. * Abraham Lincoln het Amerika se grootste presedent geword. Lincoln se ma is dood toe sy nog 'n maagd was en hy is gebore in 'n houthut wat hy met sy eie hande gebou het in die franse evolusie. * Johann Baelastiaan Bach het baie komposisies geken en het so ook baie kinders gehad. Hy is dood sedert 1750 tot vandag toe. Bach was die beroemdste komponis in die wêreld, amper soos Händel. Händel was half-Duits, half-Italiaans en half-Engels wat Hollangs gepraat het. * Beethoven het musiek geskryf al was hy doof. Hy was só doof dat hy hardemusiek geskryf het. Hy het ver in die woude gaan loop selfs al het almal na hom geroep. Beethoven het in 1827 opgehou bestaan en dis hoekom hy later dood is. Hy het rooi hare by geboorte gehad toe noem sy ma hom Beethoven. Sy hare het egter na sy eerste bad heelwat verander. * Die negentiende eeu was 'n tyd van baie uitvindsels. Mense het opgehou om met die hand te reproduseer en met toestelle begin reproduseer. * Die uitvinding van die stoomboot het 'n netwerk van riviere laat ontstaan,waarna die mense gevlug het as die water te warm raak van die stoom wat afgeblaas word. * Die Toekoek is 'n voël wat nie haar eie eiers kan lê nie. * Parallelle lyne ontmoet mekaar nooit nie, tensy jy een of altwee van hullebuig. * 'n Sirkel is 'n lyn wat sy ander end ontmoet sonder om te end. Daarom is dit moeilik om sy end te kry, voordat jy dronk word. * Die maan is 'n planeet net soos die aarde. Daar bly net een man wat baie gelukkig is. Een keer 'n jaar raak sy koeie mal en spring oor die maan. * Vegatiewe voortplanting is 'n proses waarin een individu per ongeluk 'n ander individu vervaardig waarop net die ouma trots is. * Koolstofmonoksied is 'n reuklose gas wat verskriklik stink.

<meta name="google-site-verification" content="noawl7ikqLGnmAfLwSxrDoIzQrGK9rDciqmR3-kkNac" /> google-site-verification: googleebee5bdea7573505.html

Iets om 'n glimlag op jou bakkies te sit!

Koos sit in die kroeg toe 'n ouerige  vrou langs hom kom sit en openlik by hom begin aanlê. Sy slaan een dop na die ander weg, vra toe later reguit vir Koos: "Lus vir 'n ma-dogter threesome?"

Koos is eers skrikkerig want hy het nog nooit so iets gedoen nie. Maar ná 'n paar doppe besluit hy dit kan dalk 'n interessante aandjie raak met die ma en haar dogter. Tuis gekom, gaan staan sy by die onderpunt van die trappe en skree op boontoe:  "Ma! Is jy nog wakker?"



Die sakeman moet 'n vlug na een of ander Afrikaland haal. Die enigste vliegtuig wat beskikbaar is lyk maar bra sleg en behalwe vir die vlieënier is daar net een bemanningslid wat saam met hom vlieg. Hulle is skaars in die lug toe die vliegtuig wild begin bokspring. Dis duik op en af en heen en weer tot die sakeman  naderhand groen om die kiewe is. Hy roep die bemanninglid nader. "Wat gaan aan?" vra hy angstig. "Is daar fout met die vliegtuig?"

"Die plane makeer niks, meneer," verseker die ou hom. "En die pilot sal ook orraait wees, as hy net eers die controls uitgefigure het. Sien, dis sy eerste solo vlug hierdie."

Lekkerrrrr Pannekoek!

Vir diegene wat reën kry vandag, los julle luigeit en bak pannekoek. Hier is 'n onfeilbare en baie lekker resep wat ek altyd gebruik: (moenie worry oor streng afmetings nie, ek gebruik partykeer 'n teekoppie, ander kere 'n koffiebeker, hang af wat ek eerste in die hande kry!)

4 koppies koekmeel ( sif maar as jy plesierig wil wees, ek gebruik dit ongesif)
2 teelepels sout
1 teelepel bakpoeier
2 koppies water (gebruik dieselfde koppie waarmee jy die meel afgemeet het)
2 koppies melk
1 koppie kookolie
5 eiers
2 eetlepels asyn
En, natuurlik, suiker en kaneel om oor te strooi!


Klits goed en gooi water by as dit te dik lyk. Gebruik net met die eerste een 'n bietjie kookolie in jou pan. Die res kan jy sonder olie bak.

Oor ditjies en datjies

Ouens, lees tog maar "Help tog, Asseblief". 'n Mens weet nooit, dalk kan jy raad of 'n handjie gee.

Ek voel vandag hartseer oor al die kinders in ons land wat swaarkry.

Hulle wat mishandel word, maar daaroor swyg omdat hulle verkies om doodgeslaan te word eerder as om by vreemde mense of in 'n kinderhuis te beland..

Hulle wat reeds daar is omdat hulle ouers nie vir hulle kan of wil sorg nie, ander omdat hul ouers dood is en niemand anders genoeg omgee om vir hulle 'n huis en liefde te gee nie.

Hulle wat deur 'n kennis of familielid gemolesteer word en vir ewig met die letsels gaan sit.

Hulle wat genadeloos by skole geterg en geboelie word, miskien omdat hulle 'n liggaamlike gebrek het of dalk net omdat hulle skaam en fynbesnaard is.

Hulle wat aan kanker of ander chroniese siektes ly wat hulle van 'n sorgelose kinderlewe ontneem, en vir wie die hospitaal dikwels die enigste huis is wat hulle ken. .

Hulle wat vroeg al deur honger en armoede geknak word. As elkeen van ons net een so 'n kind 'aanneem' en in sy of haar behoeftes voorsien, sal die lewe vir duisende kinders net soveel makliker wees.

Ek wil 'n beroep op julle doen om jul oë en ore oop te hou en op te tree as julle vermoed van gevalle waar kinders mishandel of misbruik word. En maak seker iets word aan die saak gedoen. Onthou, as ons as volwassenes nie vir hierdie ongelukkige en weerlose skepseltjies baklei nie, sal niemand nie. Reik uit, mense!